Әдеп жөніндегі комиссия туралы ереже

1. Жалпы ережелер

1.1. Әдеп жөніндегі комиссия (бұдан әрі — Комиссия) — Қызметкердің әдеп кодексінің және Қазақстан Республикасының медициналық және фармацевтикалық қызметкерлерінің ар-намыс кодексінің (Қазақстан Республикасының «Халық денсаулығы және денсаулық сақтау жүйесі туралы» 2020 жылғы 7 шілдедегі № 360-VI Кодексінің 274-бабы) сақталуы үшін құрылған ««Авиценна» емдеу-профилактикалық мекемесі» мекемесінің тұрақты жұмыс істейтін алқалы органы.

1.2. Комиссия Қазақстан Республикасының заңнамасы, Қызметкердің әдеп кодексі, Сыбайлас жемқорлыққа қарсы саясат және осы Ереже негізінде әрекет етеді.

2. Құрамы

2.1. Комиссияның құрамы ұйым басшысының бұйрығымен бекітіледі. Комиссияға кемінде бес адам кіреді: төраға, хатшы, дәрігерлердің және орта медициналық персоналдың өкілдері, пациентті қолдау және ішкі сараптама қызметінің өкілі.

2.2. Қарау нәтижесіне жеке мүдделі Комиссия мүшесі оған қатыспайды.

3. Міндеттері

• ұйым қызметкерлерінің әдеп нормаларын бұзуы туралы өтініштерді қарау;
• медициналық көмек көрсету кезінде туындайтын әдеп мәселелерін қарау (ақпараттандырылған келісім, құпиялылық, емделуден бас тарту, мүдделер қақтығысы);
• бұзушылықтардың алдын алу: әдеп нормаларын түсіндіру, персоналды оқытуға қатысу;
• ұжымдағы әдептік ахуалды жақсарту бойынша басшылыққа ұсыныстар дайындау.

4. Жұмыс тәртібі

4.1. Қарау үшін пациенттердің және олардың өкілдерінің, қызметкерлердің өтініштері, пациентті қолдау қызметінің мәліметтері және басшының тапсырмалары негіз болып табылады.

4.2. Отырыстар өтініштер келіп түсуіне қарай, бірақ тоқсанына кемінде бір рет өткізіледі. Комиссия мүшелерінің кемінде үштен екісі қатысса, отырыс заңды болып саналады; шешімдер көпшілік дауыспен қабылданады және хаттамамен ресімделеді.

4.3. Өзіне қатысты мәселе қаралатын қызметкер отырысқа шақырылады және түсініктеме беруге құқылы. Өтініш беруші өтініштерге жауап беру үшін белгіленген мерзімде қарау нәтижелері туралы хабардар етіледі.

4.4. Қарау нәтижелері бойынша Комиссия: бұзушылық жоқ деп тануы; талқылаумен шектелуі; басшыға тәртіптік ықпал ету шараларын, қосымша оқытуды немесе өзге де шараларды ұсынуы мүмкін.

4.5. Комиссияға белгілі болған мәліметтер, оның ішінде медицина қызметкерінің құпиясын құрайтын мәліметтер жария етілмейді.

5. Комиссияға қалай жүгінуге болады

Өтінішті пациентті қолдау қызметі арқылы беруге болады: 8 (7162) 72-33-33, сенім телефоны 8 (7162) 72-28-28, электрондық пошта avicenna-kokshetau@mail.ru, сайттағы «Өтініштер мен шағымдар» нысаны немесе жазбаша түрде мына мекенжай бойынша: Көкшетау қ., Абай к-сі, 156А.